Peter Tomka Hagako auzitegiko presidenteak jakinarazi die erabakia bi herrialdeetako abokatuei. Txilek galdu du, baina Peruk ez du lortu eskatutako guztia. Hala ere, Ollanta Humalaren gobernua "oso pozik" agertu da. Erabakitakoak ez du atzera bueltarik.
Limak itsas mugak aldatzeko eskaera egiterakoan argudiatu zuen ez dagoela zehaztuta itsasoko banaketa orain arteko hitzarmenetan, eta urak bi herrien artean erdi eta erdi banatzeko eskatu zuen. Santiagok bi herrien arteko 1952 eta 1954ko hitzarmenak jarri zituen eredu egungo egoera defendatzeko, alegia, lurraldearen itsasoak markatzen duen lerro paraleloa ezarri behar dela defendatzerakoan. Asko dago jokoan. Arrain irinaren lehen esportatzailea da Peru, eta Txile bigarrena.
2008an jarri zuen salaketa Peruko Gobernuak Hagako NBEko auzitegian, Pazifikoko muga alda zezala eskatuz. Hagaren erabakia errespetatuko zutela esana dute bi gobernuek.
