Sistan-Balutxistan probintziako Zahedan hirian, hamabost lagun hil eta 50etik gora zauritu ziren atzo, mezkita xiita batean izandako leherketan. Iturri ofizialen arabera, ilunabarrean erreskate taldeek hondakin artetik biktimen gorpuak ateratzen jarraitzen zuten.
Ali Mohammad Azad gobernadoreak ez zuen argitu leherketa atentatu batek eragin ote zuen. Segurtasun indarrak gertatutakoa ikertzen hasiak dira. Irango herritar gehienak xiitak dira. Duela bi urte, Jundala talde armatu sunitak Guardia Iraultzaileko 11 kide hil zituen atentatu batean. Gobernuak baztertu egiten dituela salatzen dute sunitek.
Hamabost lagun hil eta 50etik gora zauritu dira Iranen, leherketa batean
Eztanda Zahedan hiriko mezkita batean izan da; zerk eragin duen ikertzen ari dira segurtasun indarrak
Iruzkinak
Ez dago iruzkinik
Ordenatu
