Ekialde Hurbila
Hamaseko ekintzaileek Israelgo tanke bati eraso diote misil bidez Gazan, eta "zenbait israeldar hil" dituztela zabaldu dute
Hamas erakundeko al-Aksako Martirien Brigadek eta Izzadin al-Kasam Brigadek beren gain hartu dute gaur arratsaldean Gazan Israelgo tanke baten aurka misil bidez egin duten erasoa. Bi talde armatu horiek agiri bat kaleratu dute, eta "zenbait israeldar hil eta zauritu" dituztela zabaldu dute bertan. Israelgo irrati publikoak, berriz, hildakorik ez dela azpimarratu dute.
Misila jaurti bezain pronto, Israelgo armadako soldaduek tiroz erantzun diete ekintzaileei, eta Gaza hirian zenbait leherketa izan direla azpimarratu du Israelgo irrati publikoak. Halaber, iturri horiek diote hildako israeldarrik ez dela izan eta ekintzaile palestinarrik hil den ez dakitela.
Iruzkinak
Ez dago iruzkinik
Ordenatu
