Kubako Poliziak hiru soldadu atxilotu ditu gaur goizean, Habanako aireportuan, haiekin tiroketa bat izan ostean. Aireportuko iturriek agertu dutenez, Miamira alde egiteko hegazkin bat bahitzen saiatu dira hiru militarrak, eta errifleekin armatuta zihoazen.
Aipatutako iturrien arabera, hegazkinarekin saiatu baino lehenago autobus bat bahitu dute hiru soldadu horiek Santiago de las Vegasen. Larunbatetik ihesean zebiltzan hiru militarrak, Habana ondoko base batetik alde egin baitzuten orduan.
Zenbait iturriren arabera, lagun bat hil da Poliziak eta soldaduek izan duten tiroketaren ondorioz.
Kuba
Hegazkin bat bahituta Kubatik alde egin nahi zuten hiru soldadu atxilotu ditu Poliziak
Iruzkinak
Ez dago iruzkinik
Ordenatu
