Engin Çeber 2008ko urrian atxilotu zuten, polizia indarkeriaren kontrako manifestazio batean, eta handik hamar egunera hil zen, torturtuta, Istanbulgo Metris espetxean. Iaz, auzitegi batek hil arteko espetxe zigorra ezarri zien ekintzailea torturatu zuten bi zaindariei, eta baita espetxeko zuzendari-ordeari ere, torturak ez eragozteagatik. Auzitegi mediku batek baieztatu zuen Çeber torturen ondorioz hil zela, eta Turkiako Justizia Ministerioak barkamena eskatu zuen.
Orain, Turkiako Auzitegi Gorenak hil arteko espetxe zigorra berretsi du hiru auzipetu nagusientzat, eta zigor arinago batzuk ere bai, tortura auzian nahasitako hainbat zaindarirentzat.
