Iraken okupazioa / Husseinen kontrako epaiketa
Hilaren 21a arte atzeratu dute Husseinen kontrako epaiketa
Irakeko estatuburu ohi Saddam Husseinek bere aurkako epaiketara ez joatea erabaki du,auzitegiak zilegitasunik ez duela sakatu nahian. Epaiketak aurrera jarraitu du Hussein gabe. Gaurko saioa amaitu da, eta hilaren 21ean jarraituko dute. Gaur, Husseinen kontrako epaiketako bosgarren auzi saioa egin dute. Hussein Dujail hiri xiitan 143 pertsonaren heriotza eragin zuen erasoaldia agintzeagatik ari dira epaitzen.
Epaiketako lehenengo lekukoak testigantza eman herenegun. Ahmed Hassan Mohammed al Dujailik epaitegian adierazi zuenez, Dujail hirian atxilotutakoen artean zegoen bera."Kolpe bat entzun nuen atean eta zerbitzu sekretuetako jendea sartu zen", azaldu zuen lekukoak. "Jendea preso hartu zuten eta beste batzuk bertan hil zituzten. Beldurgarria izan zen". Bitartean ekintzaileek ingeniari frantses bat bahitu zutela jakinarazi zuen atzo Poliziak. Gainera, soldadu estatubatuar bat hil zen errepidean bonba batek eztanda egin eta gero.
Iruzkinak
Ez dago iruzkinik
Ordenatu
