Beirut hiriburutik 20 bat kilometro iparraldera gertatu dira atentatuak, Ein Alak herriko errepide batean. Lekukoen arabera, bi lehergailu zartatu dituzte minutu gutxiren buruan. Aurrenekoaa autobus batean, eta bigarrena, haren atzetik zetorren beste batean. Horrez gain, lehendabiziko lehergailua zartatu denean laguntzera hurbildu den jendea ere harrapatu du eztandak. Hasieran bestelakorik zabaldu bada ere, Poliziak emandako azken datuen arabera, hiru dira hildakoak eta 18 zaurituak.
Libanoko Gobernuko iturriek agertu dute Beirutera Rafik Hariri lehen ministro zenaren hilketa salatzeko ekitaldietan parte hartzera zihoan jendea zeramatzatela autobusek. 2005eko otsailaren 14an hil zuten Hariri, eta urteurrenaren harira, biharko manifestazioa dago antolatuta Beiruten.
Lasaitasunerako deia egin dute agintariek, gaur goizeko erasoak alderdi desberdinetako libanoarren arteko liskarrak piztuko dituen beldur baitira.
Mundua
Hiru dira Libanon zartarazitako bonben ondorioz hildakoak
Hasieran hamabi zirela zabaldu dute iturri ofizialek. Beiruitetik hurbil izan dira atentatuak: bi autobusetan zartatu dira lehergailuak. Gobernuko iturrien arabera, Rafik Hariri lehen ministro zenaren hilketaren 2. urteurreneko ekitaldietan parte hartzera zihoazen bidaiariak zeramatzaten. Lasaitasunerako deia egin dute agintariek.
Iruzkinak
Ez dago iruzkinik
Ordenatu
