Hiru hilabetean PKK-ko 270 gerrillari hil dituela baieztatu du Turkiak

Turkiako armadako buru Necdet Ozelek adierazi du PKK Kurduen Langileen Alderdiko270 gerrillari inguru hil dituztela iragan abuztuaren 7az geroztik egiten ari diren erasoaldietan. Firat News albiste agentziak, berriz, gezurtatu egin du berria. Iturri horien arabera, Turkiako soldaduek ez dute Irakeko muga zeharkatu, eta, beraz, ez da izan Turkiako armadak jakinarazi duen lurreko erasorik.

Dena den, azken egunetan gatazkak areagotu egin dira. Joan zen igandean PKK-ko lau gerrillari hil zituen Turkiako armadak, eta atzo hiru soldadu turkiar zendu ziren ustez PKK-k jarritako bonba batek eztanda egindakoan.