Hiru palestinar hil ditu Israelgo Armadak

Lehergailu bat zeramatela tiro egin die bi palestinarri Israelgo Armadak, Yabalia errefuxiatu guneko ekialdean. Palestinarrak bi lurraldeak zatitzen dituen burdin saretik ehun metro ingurura zeudenean gertatu da tiroketa. Hirugarren hildakoa Jan Yunesko irakasle bat da, hiri horretako ikastetxe batean klaseak ematen ari zela jaso du tiroa bularrean. Goizeko lehen orduetatik, Israelgo Armada operazio handi bat egiten ari da Jeninen eta inguruetan. 70 ibilgailu blindatu sartu dira susmagarri palestinarren bila.