Anatoli Kutxerenak, Edward Snowdenen abokatuak, baieztatu du hiru urterako bizileku baimena eman diola Errusiak. 2013ko ekainean iritsi zen Snowden herrialde hartara, eta joan den hilean behin-behineko asilo politikoa luzatzeko eskatu zuen. Errusian bost urte ematen baditu, herritartasuna lor dezake, abokatuak esan duenez.
CIAko langile ohia da Snowden. Bi espioitza programa sekreturen berri eman zuten The Guardian eta The Washington Post egunkariek, eta Snowdenek aitortu zuen berak helarazi ziela informazioa. Hilabete baino gehiago Xeremetievoko aireportuan eman zuen, Moskun, Errusiak asilo eskaera onartu zion arte.
