Karachi hirian (Pakistan) hogei lagun hil dituzte gaur, lehergailuz egindako bi atentatutan. Lehendabiziko erasoa 15:00etan gertatu da (10:00ak Euskal Herrian), eta hamalau lagun hil eta 46 zauritu dituzte. Bigarrena, berriz, handik bi ordu ingurura egin dute, eta sei lagun hil dituzte eta hogei inguru zauritu, Pakistango AAP berri agentziaren arabera.
Lehen erasoak erromes xiiten autobus bat izan du jomuga, Pakistango Poliziaren arabera. Erasotzaile suizida batek lehergailuz betetako motorrarekin talka egin du autobusaren kontra. Hamalau lagun hil eta 46 zauritu dituzte.
Beste atentatuan, lehergailuz betetako bertze motor bat zartarazi dute ospitale baten ondoan, AAP agentziak dioenez. Bertze erasoan zauritutakoak harat eraman dituzte. Sei lagun hil dituzte eta hogei inguru zauritu.
Mundua
Hogei lagun hil dira Pakistanen, bi atentatutan
Iruzkinak
Ez dago iruzkinik
Ordenatu
