Homizidioa egozten diete Italiako zazpi zientzialariri

ERROMA. Italian zazpi zientzialariren aurkako epaiketa bat hasi dute, 2009ko lurrikarari aurre egiteko prebentzio neurririk ez hartzeagatik. Homizidioa egozten diete; lurrikarak 300 hildakotik gora utzi zituen. 30 herritar inguruk jarri diete salaketa zientzialariei, lurrikara gertatu baino astebete lehenago bildu zirelako eta ez zietelako arriskuaren berri eman.