Hosni Mubarak Egiptoko presidente ohia larri dago

KAIRO. Hosni Mubarak Egiptoko presidente ohia larri dago Torako espetxeko ospitalean, Kairon. Ekainaren 2an sartu zuten bertan, 25 urteko espetxe zigorra jarri zioten egunean bertan. Mediku iturrien arabera, «ezegonkor dago, depresioa dauka, eta batzuetan uko egin dio edateari eta jateari». Herenegun hainbat hedabidek Mubarak hil egin zela zabaldu zuten, baina iturri ofizialek gezurtatu egin dute.