Egiptoko agintariek jakinarazi dutenez, abuztuaren 3an epaituko dute, Kairon, Hosni Mubarak presidente ohia. Sharm el Sheij-en dago ospitaleratuta Mubarak, baina epaiketarako, auzipetuak osasun baldintza txarrak argudiatu dituen arren, hiriburura eramango dute.
Mohamed Mani Justizia idazkariordeak jakinarazi du Mubaraken epaiketaren albistea, eta horrekin batera Alaa eta Gamal semeak eta Husein Salem enpresaria epaituko dituztela jakinarazi du.
70 hildako Yemenen
Gutxienez 70 pertsona hil dira Yemenen, armadak oposizio militarrari egindako eraso batean. Oposiziokoak Al Islah alderdiaren ustezko jarraitzaile dira. Dozenaka lagun zauritu dituzte, gainera.
Erasoaren arrazoia, oposizioko kide hauek Errepublikako Guardiaren base militar bat bereganatu izana da. Horrela, armadak base horri eraso dio, bonbardatuz.
