Europako Batzordea aztertzen ari da Frantziak Europako legedia bete duen, azken hilabete honetan bere lurretatik ia mila ijito kanporatu ondoren. Europarren zirkulazio librerako eskubidea eta Oinarrizko Eskubideen Gutuna errespetatzen den ere ari da ikertzen. Besteak beste, kanporatu diren pertsonak "euren borondatez" atzerriratu dituzten ari da neurtzen EB, Matthew Newman Justizia batzordeko bozeramaileak adierazi duenez.
NBEk aurreko astean eskatu zion Frantziari ijitoak deserritzeari uzteko. Arraza Bazterketa Deusezteko Batzordeak kezka agertu zuen Frantzian zabaltzen ari ziren solas politiko «baztertzaileengatik». Ijitoen aurkako arrazakeria ekintzen gorakadaz ere ohartarazi zuen NBEk.
Mundua
Ijitoak Frantziatik kanporatzea legezkoa den aztertzen ari da Brusela
Europarren zirkulazio librerako eskubidea eta Oinarrizko Eskubideen Gutuna errespetatu den ere ikertzen ari da Europako Batzordea.
Iruzkinak
Ez dago iruzkinik
Ordenatu
