Nobel sariak ematen dituen akademiak Medikuntzaren saria Bruce A. Beutler, Jules A. Hoffmann eta Ralph M. Steinman zientzialariei ematea erabaki du, eta gaur jakinarazi du erabaki hori. Litekeena da, ordea, Steinmani saria kendu behar izatea. Izan ere, zientzialari kanadiarra ostiralean hil zen eta Nobel sarien araudiaren arabera ezin da hildakorik saritu. Nobel sarien araudia 1974. urtekoa da. Goran Hansson Nobel saridunen idazkariak, ordea, oraindik zer egingo duten ez dutela erabaki esan du.
Immunologiaren arloan egindako lanagatik saritu dituzte saridunak. Gaurkoaren ostean, aste honetan Fisika eta Kimikakoa, Literaturakoa eta Bakearena emango dituzte.
