Espainiako irrati kate batean egin dioten elkarrizketan Rajoyk esan du ez duela uste Katalunian independentzia aldarrikatu duenik, baina horretara iritsiz gero, Espainiako Auzitegi Konstituzionalera joko lukeela iragarri du. Bost egun besterik ez dira geratzen Kataluniko hauteskundeetarako, eta orain arte hauteskunde autonomikoak besterik ez direla azpimarratu nahi izan duen arren, Espainiako Gobernua ari da pixkanaka tokia hartzen. Rajoy gaur independentziaren kontra dauden alderdien koalizio baten alde agertu da.
Galdetu dote Rajoyri ea prozesuarekin jarraitzeko eserleku gehiengoa edo boto gehiengo eduki beharko luketeen independentistek. Espainiako presidenteak adierazi du ez eserlekuek ezta botoek ere ez diotela zilegitasunik ematen prozesuari, eta bera presidente den artean (agintaldia amaitzear da), legea beteko dela.
