Atzoko hauteskundeen ondoren egindako inkesta baten arabera, ezkerrak atzo Frantzian jaso zuen babesa ekaineko Asanblea Nazionalerako hautesundeetan errepikatuko da, eta ezkerreko alderdiek botoen %44 eskuratuko dituzte.
Ezkerreko alderdi horien artean leudeke, Ifop inkesta egin duenaren arabera, PS, Europe Ecologie-Les Verts eta Ezkerreko Frontea.
UMPk botoen %32 jasoko luke, eta Fronte Nazionala hirugarren indar politikoa litzateke, botoen %18rekin; kopuru hori bera eskuratu zuen Le Penek presidentzialetarako lehen itzulian.
2007an ezkerreko alderdiek botoen %36 jaso zituzten, eta kontserbadoreek, %45,6.
