Aurrez aurreko bigarren eztabaida egin dute bart Barack Obama AEBetako presidentziarako hautagai demokratak eta John McCain errepublikanoak, eta amaitu ostean argitaratu diren inkesten arabera, Obama izan da garaile buruz burukoan.
Esate baterako, CNNk egindako galdeketaren arabera, ezbaida jarraitu dutenen %54ren ustez Obama hobeto aritu da. %30 dira McCainen alde egin dutenak. CBS telebista katearen arabera, berriz, %39k uste dute Obamak irabazi duela eztabaida eta %27k ikusi dute hobeto hautagai errepublikanoa.
Herritarrek ez ezik, AEBetako komunikabide nagusietako analisten ere uste dute demokraten hautagaiak hobetu jardun duela debatean. Iritzi hori eman dute, besteak beste, CNNko, MSNBCko eta Washington Post-ko analistek.
Ekonomia eta finantza krisia izan dirabigarren eztabaida horretako hizpide nagusiak. Hain zuzen ere, AEBetako herritarren gehiengoak uste du Obamak gaitasun handiagoa duela McCainek baino egoera ekonomiko zailari aurre egiteko. Aldiz, segurtasuna bermatzeko nahaiago lukete hautagai errepublikanoa.
Mundua
Inkesten arabera, Obamak irabazi du bigarren eztabaida
Ekonomia eta krisia izan dira AEBetako presidentziarako hautagai demokrataren eta errepublikanoaren arteko debateko hizpide nagusiak.
Iruzkinak
Ez dago iruzkinik
Ordenatu
