«Inposaketarik» ez duela onartuko esan du Marokok

Mendebaldeko Sahararen aferan Marokori «inposatutako inongo erabakirik» ez duela onartuko adierazi zuen atzo Mohamed Benaisa Rabateko Atzerri ministroak. Liga arabiarreko idazkari nagusi Amr Musarekin izaniko bileraren ondoren egin zituen adierazpenak Marokoko ministroak. Arazoari konponbide politikoa emateko hitz egiteko prest dagoela gaineratu zuen Benaisak, betiere «Marokoren lurraldearen osotasuna eta lurralde osoaren subiranotasuna gordeta». Rabaten jarreraren berri emateko Nazio Batuen Erakundeko Segurtasun Kontseiluko kide guztiekin hitz egiten ari direla gaineratu zuen.

Marokok baztertu du Bakerren bake egitasmoa. Mendebaldeko Saharako herriaren autodeterminazioa proposatzen du NBEren planak.