Zehazki, Iraken eta Afganistanen AEBetako indarren zaintzapean zeuden 98 preso hil dira. Heriotza horietatik 34 hilketatzat har daitezkeela iritzi dio Human Right First elkarte estatubatuarrak , "nahita edo utzikeriagatik eragindakoak". Beste 11 kasutan ere hilketaren zantzuak suma daitezkeela erantsi dute. Era berean, 8-12 preso hil arte torturatu dituztela ziurtatzen du aipatutako taldearen txostenak.
AEBetako Armadako buruzagitzak oraindik ez duela txostena jaso adierazi du informazio horien berri izan ondoren, baina jasotakoan "oso serio" hartuko dutela ziurtatu dute.
Giza eskubideak
Iraken eta Afganistanen AEBen zaintzapean zeuden ehun preso inguru hil direla salatu dute
AEBetako indar armatuek Iraken eta Afganistanen giza eskubideak urratu dituztela salatu du Human Right First eskubide horien aldeko elkarteak. Talde horrek landu duen txostenaren arabera, bi herrialde horien okupazioen ondoren preso hartutako ehun lagun inguru hil dira militar estatubatuarren zaintzapean zeudela. Gainera, heriotza horietatik guztietatik 34 hilketak izan daitezkeela nabarmendu du.
Iruzkinak
Ez dago iruzkinik
Ordenatu
