Iraken hobi komun batean 800 hilotz aurkitu dituzte

BAGDAD. 800 hilotz aurkitu dituzte hobi komun batean, Irakeko Anbar eskualdean. Ustez, Saddam Husseinen garaian hildakoak dira; 1980tik 1988ra bitartean iraun zuen Irak eta Iranen arteko gerrako biktimak izan daitezkeela azaldu dute. Buruan tiro bat zuten gorpu gehienek, eta hildakoen artean gizonezkoak, emakumezkoak eta haurrak zeudela salatu dute.