Irlanda iparraldean bonba bat indargabetu dute

BELFAST. Irlanda iparraldean, Belfasten, bonba bat desaktibatu dute. Polizia-etxe baten ondoan jarri dute lehergailua, eta telefonoz haren berri eman dute lehertu baino lehen. Polizien bozeramaileak bonba «handia» zela jakinarazi du, eta «lehertuz gero, norbait hil zezakeela». IRA Irlandako Armada Errepublikanoko disidenteek jarri dutela uste du Poliziak.