Iruzur salaketa artean egingo dituzte gaur Legebiltzarrerako hauteskundeak

Iruzur egitea eta oposizioko kanpainako buru Faramaz Javadov atxilotu izana leporatu zion atzo oposizioko alderdi nagusia den Azerbaijango Alderdi Demokratikoa koalizioak Gobernuari. Gaur dira egitekoak Legebiltzarrerako hauteskundeak, eta agintariek iruzur eginez gero, manifestazio baketsuak antolatuko dituela iragarri du oposizioak.

Oposizioko koalizioa osatzen duen Frente Popularra alderdiko burua da Ali Kerimli. Haren esanetan, azken urteetan, milaka herritarrek alde egin dute atzerrira lan bila, baina Gobernuak ez ditu haien izenak hauteskundeetarako zerrendetatik ezabatu.