Israel eta Palestinako goi ordezkaritzek bilera sekretua egingo dute gaur eta bihar

Israelgo 'Aaretz' egunkariak kaleratu duenez, Israel eta Palestinako goi ordezkaritzek bilera sekretua egingo dute gaur eta bihar, Ekialde Hurbileko gatazkari eta bake prozesuari buruz hitz egiteko. Bilera horietan parte hartuko dutenen artean, Omri Sahron, Ariel Sharonen semea, Likud alderdiko diputatua eta Isaac Herzog alderdi laboristaren diputatua daude israeldarren artetik. Palestinarren izenean, Segurtasun Kontseiluko arduradun Yibril Rayub egongo litzateke eta horiez gain, EB Europar Batasuneko zenbait ordezkari ere bai.