Israeldarren erasoak Egiptoko hiru soldadu eta palestinar bat hil ditu

Israelek airez eraso dio Gaza inguruari. Egiptoko aldera ere egin du. Ondorioz, Taban (Egipto) hiru soldadu hil ditu eta Gazan gazte palestinar bat. Egiptoko iturrien arabera, hegazkinak Israelgo lurretatik egin du erasoa, muga gainditu gabe.
Bestalde, goizaldera lehergailu batek eztanda egin du Egiptok Gazarekin duen mugan, eta, segurtasun indarrek jakinarazi dutenez, oraindik ez dakite zenbat egiptoar hil diren erasoan.
Atentatu hori atzo hasitako indarkeria uholdearen jarraipena da.
Atzo Israelen hiru atentatu izan ziren, eta zazpi israeldar hil ziren (oraindik argitzeko dago zibilak ala soldaduak ote ziren).
Horri erantzun "aproposa" emango ziotela iragarri zuen Netanyahu lehen ministroak, eta arratsaldean Gaza bonbardatu zuen airez, eta sei palestinar hil. 
Bi aldeetan hildako eta zauritu kopuruak gora doaz. Goizaldean bertan, aire erasoan beste gazte bat hil du Israelek, eta sei israeldar zauritu dira tiroketetan. Azken egunetako eraso uholdeak 22 hildako utzi ditu jada.
Azken bi urteetako eraso bortitzenak dira atzo hasi zirenak.