Hamasek eta Al Fatak osatu dute, azkenean, batasun nazionalerako gobernu berria. Ismail Hanije lehen ministroak (Hamas) eta Mahmud Abbas presidenteak (Al Fata) jarraituko dute buruzagi nagusiak izaten, baina gobernu berriko 25 ministerioetan alderdi bateko zein besteko buruzagiak daude; areago independenteak ere bai.
Hain justu, ministerio garrantzitsuenak -finantzetakoa, barnekoa eta atzerrikoa- independenteen esku geratu dira.
Akordio horrekin palestinarreko arteko borrokak bukatuko direla espero da. Nazioarteko albiste agentzietako kazetarien arabera, palestinarrek, oro har, pozik hartu dute albistea.
Aldiz, Israelgo Gobernuak arbuiatu dagoeneko gobernu berria. Palestinarren buruzagitza berriak Israelgo Estatua onartu gabe jarraitzen duela argudiatu du, eta nazioarteko komunitateari eskatu dio berak bezala arbuia dezala.
AEBek eta Europako Batasunak, berriz, gobernu berriak zein bide hartuko duen ikusteko zain geratu dira erabakirik hartu aurretik.
Mundua
Israelek arbuiatu egin du palestinarren batasunerako gobernu berria
Hamaseko eta Al Fatako kideekin eta independenteekin osatu dute. Hain zuzen ere, ministerio garrantzitsuenak, finantzetakoa, barnekoa eta atzerrikoa independenteen esku geratu dira.
Iruzkinak
Ez dago iruzkinik
Ordenatu
