Israelek atzora arte hemeretzi egunetan segidan itxita eduki zuen Gazako (Palestina) muga, atzo zabaldu egin zuen, baina gaur berriro itxi egin du. Gazatik hara koheteak botatzen zituztelakoan itxi zuen duela ia hiru aste muga, Hamas Palestinako erakundeak suziri gehiagorik botako ez zuela esan zuelako ireki zuen Israelek atzo bidea, eta gaur Gazatik suziri bat bota dutela egotzita itxi du atzera. Israelgo iturriek diote kohetea ez dela euren herrialdean sartu, Gazan gelditu dela.
Ehud Barak Israelgo Gobernuko Defentsa ministroak hartu zuen atzo erabakia, Gazako bizilagunek laguntza humanitarioa jaso zezaten -milioi eta erdi lagun bizi dira bertan-. Oinarrizko elikagai eta produktuekin 40 bat kamioi sartzekoak ziren.
Mundua
Israelek berriro itxi du Gazako muga
Palestinako lurraldetik bere aurkako kohete bat bota dutelakoan hartu du erabakia. Atzo ireki egin zuen bidea -Gazako bizilagunek laguntza humanitarioa jaso zezaten-, hemeretzi egunez segidan itxita izan ostean.
Iruzkinak
Ez dago iruzkinik
Ordenatu
