Israelgo armadak gaur beste bost palestinar hil ditu Gazan (Palestina), hegazkinekin egindako bonbardaketetan. Ostiraletik 23 hil ditu eta beste 70en bat zauritu. Iazko abuztutik ez du horrelako erasorik egin.
Gaur hildakoen artean adingabeko bat dago.
Sei hilabeteko barealdia eten du Israelek, eta milizia palestinarrak hara eskuz egindako misilak botatzen hasi dira, Jihad Islamikoak agiri bidez jakinarazi duenez. Israelen arabera, "500.000 israeldar babeslekuetan sartuta daude palestinarren bonbardaketengatik".
