ISRAELEK BOST PALESTINAR HIL DITU

Gaza liskar eremu bilakatu zen atzokoan ere. Bost palestinar hil zituen Israelek, eta 35 zauritu. Eskuz egindako 45 misil bota zituztela salatu zuen Israelek, eta Hamasen milizia batek bere gain hartu zuen erasoa. Bonbardaketekin erantzun zuen Israelek. Aurretik, autobus baten aurkako erasoan israeldar bat larri zauritu zuten, eta Ehud Barak Defentsa ministroak «baliabide guztiekin» erantzuteko eskatu zion armadari. Haaretz egunkariaren arabera, Hamas bart zen su-etena aldarrikatzekoa. Akordioa, Egipto eta Turkiaren esku hartzeari esker lortu dela diote.