Gutxienez hiru palestinar hil eta hogeitik gora zauritu dira Israelek Gazako Zerrendan egindako hainbat aire bonbardaketatan.
Hango osasun zerbitzuek eta lekukoek adierazi dutenaren arabera, Gazako Zerrendaren iparraldean dagoen Beit Lahi herrian Israelgo armadako hegazkinek bi suziri jaurti dituzte kiroldegi baten aurka. Eraso horretan pertsona bat hil da, eta gutxienez hogei zauritu dira.
Tunel baten aurka egindako eraso batean lau palestinar hil dira, eta bost zauritu.
Israelgo armadak esan du egin dituen erasoak armak gordetzen ziren biltegi baten eta armak egiteko baliatzen den tunel baten aurka egin dituela. Gaineratu du erasoak atzo arratsaldean Gazatik jaurtitako suzirien erantzuna direla.
Astelehenean Israelek eta Hamasek su-etena sinatu bazuten ere, atzo bertan Israelek Gaza bonbardatu eta palestinar bat hil zuen.
