Hamasek duela bi aste Gaza (Palestina) hartu zuenetik erasoaldirik handiena egin du Israelgo Armadak, eta hamahiru palestinar hil eta 45 zauritu ditu. Hildakoen artean haur bat dago.
Batez ere, Gazaren ekialdea erasotu dute israeldarrek, Shejaeya auzoa. Helikopteroak, tankeak eta abar erabili dituzte horretarako. Zibilen etxeen kontra lehergailuak bota dituzte, besteak beste, eta auzo hartan hamar lagun hil dira; Palestinako Segurtasun arloko kideek esanetan, hildako horien artean zortzi miliziano daude.
Beste lau hildakoak ere milizianoak direla esan dute; Gazaren hegoaldean israeldar soldaduekin izandako tiroketan zendu dira.
Mundua
Israelek hamahiru palestinar hil ditu Gazan
Hamasek Palestinako lur zati hura hartu zuenetik erasoaldirik handiena egin dute israeldar soldaduek.
Iruzkinak
Ez dago iruzkinik
Ordenatu
