Israelgo armadak hainbat eraso burutu zituzten atzo Gazan. Maan Palestinako albiste agentziak jakinarazi duenez eta Israelek baieztatu duenez, hainbat ibilgailuk muga zeharkatu dute Al Bureijeko errefuxiatu eremutik gertu, eta hainbat soro suntsitu dituzte.
Bitartean hainbat helikopterok airetik zaintzen zuten operazioa, eta mugaz beste aldean zeuden soldadu israeldarrek zaintza dorreetatik tiro egiten zuten. Israelgo armadak esan du horrelako operazioak ohikoak direla.
Jordan haranean ere hainbat eraso izan dira, eta armadak zenbait etxola eta kanpin-denda bota ditu. Horien ondorioz familia askok euren etxean galdu dituzte Kardala, Jirbeet al Himmeh eta Jirbet al Farsija herrietan.
