Israelgo armadaren iturriek jakinarazi dutenez, atxilotutako hamaika lagunak –horien artean emakumezko bat– Israelgo armadaren helburu ziren eta Tulkarem, Hebron eta Ramala hirietan atxilotu dituzte. Emakumezkoa Jeningo Jdeida herrixkan atzeman dute.
Bestalde, Israelgo irrati publikoak zabaldu duenez, Israelgo soldaduek bi zibil palestinar jipoitu eta umiliatu dituzte gaur goizean muga leku batean. Hani Jalil Malalja kamioizalea eta Yursus Sbad autobus gidaria izan dira erasoaren biktimak, eta biek zuten baimena muga hori igarotzeko. Bi militar horiek epaitu egingo dituztela nabarmendu du irrati publikoak.
Ekialde Hurbila
Israelgo armadak bi etxebizitza eraitsi ditu Zisjordanian eta Al Fatah erakundeko hamaika kide atxilotu
Israelgo armadak Palestinako erresistentziako bi ekintzaileren etxeak eraitsi ditu bart Zisjordanian, eta ustez Al Fatah mugimenduko kide diren hamaika ekintzaile atxilotu ditu. Silhat al Hartie herrixkan Mohamed Daud Hene Jihad Islamikoko kidearen etxea bota dute Israelgo militarrek eta Salfit herrixkan berriz, Husam al Kader Halabiren etxea eraitsi du. Lehenari ekintzaile suizida bat Israelera bidaltzen egozten diote eta bigarrenari hiru israeldar hiltzea.
Iruzkinak
Ez dago iruzkinik
Ordenatu
