Israelgo armadak Zisjordaniako kolono israeldar bat hil du bart eta beste hiru zauritu ditu Hebron hegoaldeko kontrol postu batean. Soldaduen arabera ibilgailu bat gerturatzen ikusi zuten eta gidariak gelditzeko emandako aginduari jaramonik egin ez zionez, tiroka hasi ziren.
Hildakoak 60 urte inguru zituen, eta Otniel koloniako bizilaguna zen. 45 urteko emaztea eta koloniako beste bi bizilagun zauritu dituzte, gainera. Ibrahimgo meskita bisitatzera zihoazen, judutarrentzat, Hebrongo Patriarken Hilobia dena.
