Israelgo armadak lau palestinar hil ditu Gazan eta Hebronen

Israelgo armadak hiru palestinar hil ditu –horietako bat adintxikikoa– Dugiteko asentamendu judutarraren alboan, Gazan, eta laugarren bat hil du Zisjordaniako Hebronen. Israelgo irrati publikoak zabaldu duenez, Gazan hildako hiru palestinarretatik bik armak zituzten soinean, eta lehergailu bat atzeman dute inguruan. Laugarrena Israelgo soldaduen tirok hil dute Hebronen, irrati horren arabera. Bestalde, Israelgo militarrak Belenen sartu dira eta atzoko atentatua egin zuen ekintzaile suizidaren etxea suntsitzeko asmoa agertu dute.