Ekialde hurbila
Israelgo militarrek prismatikoak erabiltzen dituzten palestinarren aurka tiro egin ahalko dute
Gazako mugan dagoen Netzarineko asentamenduan dauden militar israeldarrei euren ekintzak prismatikoz begiztatzen dituzten palestinarrei tiro egiteko agindua eman die Israelgo armadak, 'Haaretz' egunkari israeldarrak jasotzen duenez. Neurri militar berri hori iragan astean Netzarinen hil zituzten hiru militarren heriotzaren ondoren etorri da. Israelgo agintariek diotenez, orduak eta orduak prismatikoz begira aritu ziren palestinarrek egin zuten militarren aurkako erasoa.
Netzarimeko asentamendu judutarrean hirurogei familia inguru bizi dira eta Gazako mugan dagoen gunerik polemikoena da, bere kokapenak paslestinarren artean haserre handia eragin baitu. Neurri militar horiek Gazako beste zonalde batzuetan ere aplikatzen dira, banaketa hesiaren inguruetan. Leku horretan bi palestinar hil zituen herenegun Israelgo armadak, eta iturri militarrek diotenez, bi palestinar horiek bi bonba zartatzeko prest zeuden ingurua ondo aztertu eta gero.
Iruzkinak
Ez dago iruzkinik
Ordenatu
