Italia Gobernuak ez du berriro energia nuklearra erabiliko, gaur hango hedabide batzuek exekutiboaren iturriak aipatuz argitaratu dutenez. Fukushimako (Japonia) zentral nuklearraren hondamendiaren ondoren Italiako Gobernuak martxoaren 23an urtebeteko moratorioa onartu zuen, eta hedabideek orain diote Silvio Berlusconi lehen ministroaren taldeak dekretu hari emendakin bat erantsi diola, energia nuklearraren erabilpenari uko egiteko.
Emendakina onartzen badute, Italian zentralak egiteko arau guztiak bertan behera geratuko dira ziurrenik,
Giulio Tremonti Ekonomia ministroa energia berriztagarrien eta "energia alternatiboen" alde azaldu da.
1987tik ez dute energia nuklearra erabili Italian. Urtebete lehenago gertatu zen Ukrainan Txernobylgo zentraleko istripu larria. Italiarrak 1987ko erreferendumean zentralen aurka agertu ziren, eta herrialdean orduan zeuden laurak ixteko eskatu zuten.
