Japoniak martxan jarri nahi ditu erreaktore nuklearrak

TOKIO. Iragan martxoan bederatzi graduko lurrikararen ostean itzalitako erreaktore nuklearrak berriz martxan jartzeko asmoa iragarri du Yoshihiko Noda Japoniako lehen ministroak. Horretarako segurtasun kontrolak egingo dituztela jakinarazi du. Dena den, energia nuklearrarekiko dependentzia murriztu behar dutela dio. Frantzian, bestalde, Marcouleko biltegi nuklearrean atzo jazo zen leherketan erradioaktibitaterik isuri ez zela baieztatu dute.