Goizean kendu dituzte burdin sare eta andamioak, metal detektagailuak kendu eta bi egun geroago.
Gatazka duela bi aste sortu zen, Al-Aqsa meskitatik gertu bi polizia israeldar hil baitzituzten. Orain, Israelek adierazi du datozen sei hilabeteetan segurtasun neurri berriak ezarriko dituela, hainbesteko traba eragingo ez dutenak.
Uztailaren 14an bi poliziak hil eta metal detektagailuak ezarri zituztenetik, ia egunero egon dira liskarrak Israelgo Poliziaren eta palestinarren artean. Liskar horietan, lau palestinar eta hiru israeldar hil dira.
Israelek adierazi duenez, segurtasun neurriak beharrezkoak ziren, poliziak hiltzeko erabilitako armak tenplu sakratura eraman zituztelako. Palestinarrek segurtasun neurriak arbuiatu zituzten; haien ustez, Israelen saialdi bat zen haien gaineko kontrola areagotzeko.
