Associated Press berri agentziak AEBetako Kongresuan dauden hispanoei buruzko artikulu bat kaleratu duela jakinarazi du Euskalkultura.com webguneak.
John Garamendi Kaliforniako 46. gobernadore izendatu zuten 2007an. Alderdi Demokratako Estatu Batuetako politikaria da. Gaur egun, Ameriketako Estatu Batuetako Ordezkarien Etxeko kidea ere bai, Kaliforniaren ordezkari gisa. Hura ere gehitu zuten kongresuko hispanoen zerrendan; baina adierazi du ez dela hispanoa, euskalduna baizik. Garamendiren bozeramaile Matthew Kravitz-ek adierazi zuen Garamendik bere burua euskalduntzat duela. Haren aitaren aita 1906an heldu zelako AEBetara "Euskal Herritik, Espainia iparraldearen eta Frantzia hegoaldearen artean dagoen lurraldetik", gaineratu zuen.
Garamendik ez zuen hispano dioen laukia bete erroldan. 2011ko AEBetako 53.045 herritarrek jo zuten euren burua euskaldunen ondorengotzat.
