Bi asteko epaiketaren ondoren, Eskoziako Auzitegi Gorenak kargu guztietatik absolbitu du Alex Salmond Eskoziako lehen ministro ohia. Hain zuzen, hamar emakumeren kontrako hamalau sexu eraso egin izana egozten zioten. Erasoak 2008ko ekainetik 2014ko azarora artean gertatu ziren, hura lehen ministro zen garaian.
Epaiketaren erdian, fiskaltzak atzera bota zuen akusazioetako bat, eta gaur, beste 13etatik absolbitu du Gorenak. Haren arabera, errugabea da horietako 12tan, eta bestea ez dute egiaztatu ahal izan.
