Kirgizistango muga bereganatu du Uzbekistango Gobernuak

Uzbekistan eta Kirgizistan arteko mugan dagoen Kara-su hiria bereganatu du Uzbekistango Gobernuak lekukoen arabera. Hiri hori matxinoen esku izan da sei egunetan, eta Bajtijor Rajimov buruzagiak atzo esan zuen, estatu islamdarra sortu nahi zutela, eta Uzbekistango Armadari aurre egiteko prest zeudela. Nolanahi ere, berri agentziak zabaltzen ari direnez, "tiro hotsik gabe" bereganatu du lekua Uzbekistango Gobernuak, eta Rajimov atxilotu dute.