Kolonbiako armadak ustez FARCeko buru bat hil du

BOGOTA. Kolonbiako armadak FARCeko 42 Fronteko buruzagia hil zuen herenegun: Wilson Correa Trujillo Eduardo Robayo. Armadak jakinarazi zuen gerrillako kiderik bilatuenetakoa hil zutela. Rodrigo Londoño Echeverri Timochenko-ren bila dabiltzala ere esan zuten, baina, oraingoz, arrakastarik gabe. Timochenko hil zutela zabaldu zen duela ez asko. Hiru militar ere hil zituzten atzo, base militar batean bonba bat lehertuta.