"Ministroen Kontseiluko kideek presidentearen esku utzi dituzte euren karguak, erabateko askatasunez egin ditzan egoki iruditzen zaizkion aldaketak", adierazi dute, eta gaineratu: "Kabinete osoak —ministroek, idazkariek eta kontseilariek barne— babes osoa adierazi dio presidente jaunari".
Kolonbiako nekazariek abuztuaren 19an hasi zuten greba. Gobernua eta FARC gerrilla Kuban negoziatzen ari direlarik, bazterrera utzitako landa eremuetako indigenek Kolonbia geldiarazi dute bi astean, Bogotarako errepide nagusiak blokeatuta. Pobrezia tasa %68koa da eremu horietan.
Atzo, nekazariekin lortutako akordioa beteko duela agindu zuen Kolonbiako Gobernuak. Nariño eta Araucako indigenek errepideen blokeoa amaitzea hitzartu dute, bi asteko grebaren ondoren.
