Gutxienez hamabost gaztetxo hil dituzte gaur Ciudad Juarezen, komando batek tiro eginda. Beste zortzi zaurituta daude.
Han 23:30ak zirela gertatu da erasoa -Euskal Herrian 04:30ak-, etxe batean. Hamabost gaztetxo haietatik 11 unean bertan zendu dira. Besteak, erietxera bidean edo erietxean.
El Paso mugako hiritik oso gertu dago Ciudad Juarez, Texas AEBetako estatutik gertu, eta azken urteetan nabarmen ugaritu dira droga trafikoarekin lotutako delituak. Urtea hasi zenetik 2.300 lagun inguru gora hil dituzte; egunean batez beste bederatzi. Michoacan eta han daude Mexikoko droga kartel nagusiak. Horiek hala, Felipe Calderon Mexikoko presidenteak 50.000 soldadu eta polizia federal jarri ditu mugaldean.
mexiko
Komando batek hamabost gaztetxo hil ditu bart Ciudad Juarezen
Tirokatu egin dituzte etxe batean. Azken urteetan ugaritu egin dira droga trafikoarekin lotutako delituak; urte honetan egunean batez beste bederatzi lagun hil dituzte AEBetako mugatik gertu dagoen hiri horretan.
Iruzkinak
Ez dago iruzkinik
Ordenatu
