KURDUAK, PROTESTAN

Iraken menpeko kurduek protesta egin dute Iranek Arbil hirian duen kontsuletxearen aurrean, eta Iran eta Irakeko mugan bonbardaketak egiteari uzteko eskatu diote Irango Gobernuari. Joan den igandean Iranek eraso egin zien Iraken mugan dauden hainbat herri kurduri; bi lagun hil zituzten, eta beste bi zauritu zituzten. Iranek egindako bonbardaketen ondorioz, muga inguruan bizi ziren ehunka kurduk utzi behar izan dituzte euren etxeak.