Siria ipar-ekialdeko Al-Hasaka hiria bonbardatu dute siriako aireko indarrek. 2011n gatazka hasi zenetik, lehen aldia da Siriak kurduen esku dagoen eremu bati airez eraso egiten diona. ANHA berri agentziak zabaldu duenez, morteroak jaurtita eraso egiten saiatu da Siria; lortu ez, eta hegazkinak erabilita bonbardatu du hiria. Ez dago hildako eta zauritu kopuruari buruzko daturik.
Etxebizitzak dauden zenbait auzo bonbardatu dituzte hegazkinek. Erasoaren berri eman dute kurduen Herriaren Babes Unitateek (YPG), eta jakinarazi dute "hildakoak eta martiriak" eragin dituela erasoak.
Siriako ipar-ekialdean dago Al-Hasaka, eta ia 200.000 biztanle ditu. Kurduen YPG milizien eta Siriako armadaren artean banatuta dago.
