Larrialdi egoera eta krisi gobernua ezarri ditu Arafatek

Gaza eta Zisjordanian larrialdi egoera ezartzeko dekretua izenpetu zuen atzo Palestinako Aginte Nazionaleko (PAN) presidente Jasser Arafatek. Honez gain, «palestinarren batasuna sendotzeko», krisi kabinetea izendatzea erabaki zuen. Asteazkenean aurkeztekoa den gobernua bederatzi ministrok osatuko dute, eta Ahmed Kureia izango dute buru. PANeko lehen ministroa jardunean den Kureiak atzo esan zuenez, Israelekin aurki su-etena sinatzea espero du eta ez du talde armatu palestinarren kontra jotzeko asmorik.