Mexikok, Belgikak eta Herbehereek Grezian dituzten enbaxaden eta Frantziako presidente Nicolas Sarkozyren kontrako lau lehergailu atzeman zituen atzo Greziako Poliziak. Haietako batek behar baino lehenago egin zuen eztanda, eta mezularitza zerbitzuetako langile bat zauritu zuen. Beste bi lehergailu 22 eta 24 urteko bi gazteri kendu zizkieten -biak atxilotuta daude-; eta laugarrena, berriz, mezularitza enpresa pribatu batean aurkitu zuten. Greziako segurtasun indarrek ukatu egin dute bonbak Al Kaedak bidaliak direla, eta ezker muturreko taldeekin lotu dituzte.
Bestalde, Yemendik AEBetara lehergailuak bidali zituztenen bila jarraitzen dute Sanako agintariek, emakume bat eta Al Kaedako ustezko kide Ibrahim Hasan al Asiri. Horrekin lotuta, eta eraso gehiagoren beldur, Somaliatik Erresuma Baturako hegaldiak eten ditu Londresek. Gauza bera egin du Alemaniak ere.
Lau bonba atzeman ditu Greziako Poliziak, bat Sarkozyrentzat
Segurtasun indarrek uste dute lehergailuak ezker muturreko taldeek bidali dituztela, eta ez Al Kaedak
Iruzkinak
Ez dago iruzkinik
Ordenatu
